(ខេត្តបន្ទាយមានជ័យ) ៖ ថ្មីៗនេះ​មានការបែកធ្លាយ​ព័ត៌មាន​ទាក់ទិន​ករណី​លោក​ឧត្តម​សេនីយ៍ត្រី ជឹម ប៊ុនអាន មេ​បញ្ជា​ការ​ប្រតិបត្តិការ​សឹករង​ខេត្តបន្ទាយមានជ័យ​ បាន​បញ្ជា​ឲ្យ​កូន​ចៅ​ចាប់ចង​ដៃជើង​យោធា​ម្នាក់​ឈ្មោះ លាង ភាព ឋានៈអនុសេនីយ៍​ឯក ដោយ​ចងនឹងបង្គោល​ទងជាតិ​ ចាប់ពីម៉ោង​០៨៖៣០យប់​ រហូតទាល់ព្រឹក កាលពីយប់ថ្ងៃទី​០៦ ខែកញ្ជា ឆ្នាំ​២០២០។

បើតាម​ជនរងគ្រោះ បាន​ឲ្យដឹងថា នៅយប់ថ្ងៃអាទិត្យទី៦ កញ្ញា​ ២០២០​ នៅ វេលាម៉ោង​០៨​៖៣០នាទីយប់ នៅបន្ទាយប្រតិបត្តិការសឹករងខេត្ត គឺរូបគាត់បានឈ្លោះប្រកែកគ្នាបន្តិចបន្តួច ជាមួយលោកអនុវរសេនីយ៍ត្រី កែម​ វុទ្ឋី​ ហៅធី ប៉ុន្តែមិនបានដល់ទៅវ៉ៃតប់គ្នានោះទេ។

យោធា​រងគ្រោះ​បន្ថែម​ថា​ រូបគាត់នៅមិនអស់ចិត្ត តើទោសគាត់ជាទោសបទឧក្រិដ្ឋយ៉ាងណា​ គ្រាន់តែឈ្លោះប្រកែកគ្នាសោះ ថ្នាក់ចងដៃចងជើង​គាត់នឹងដងទងជាតិ តាំងពីម៉ោង៨យប់​រហូតដល់ភ្លឺ ទើបស្រាយចំណងគាត់។ ហើយពេលនេះ កំពុងប៉ះពាល់ដល់សុខភាព ដោយពេលនេះលោកកំពុងសម្រាកនៅមន្ទីរពេទ្យ​រយៈបីថ្ងៃមកហើយ។

ទាក់ទិន​ករណីនេះ​ផងដែរ​ គេហទំព័របណ្ដាញ​ផ្សព្វផ្សាយ ឡាយដេលី មិន​អាច​ទំនាក់ទំនង​សុំការបំភ្លឺ​ពីលោក​ផ្កាយ​១ ជឹម ប៊ុនអាន មេបញ្ជាការ​សឹករងខេត្តបន្ទាយមានជ័យ​ នៅព្រឹកថ្ងៃទី​១២ ខែកញ្ញា ឆ្នាំ២០២០បានទេ​។

ជាចុងក្រោយ​ លោក​វរសេនីយ៍ឯក​ លាង​ ភាព ​បានសំណូមពរ​សូមកុំឲ្យមេៗ​ សូមកុំអនុវត្តន៍វិន័យបែបនេះតទៅទៀត បើធ្វើលើកងកម្លាំងបើធ្វើបែបនេះ មានបាក់ស្មារតីក្នុងការបំរើការងារ​ជាមួយមេជាមិនខាន៕


មតិរបស់អ្នក